తాండూర్ సబ్ రిజిస్ట్రార్ కార్యాలయంలో కొత్త భూముల రేట్ల పై గగ్గోలు
ఇష్టారాజ్యంగా మార్కెట్ విలువలు పెంచారంటూ ప్రజల ఆవేదన
రిజిస్ట్రేషన్ ఫీజులు భూమి ధరలను మించిపోతున్నాయంటూ విమర్శలు
డాక్యుమెంట్ రైటర్ల వద్ద తగ్గిన లావాదేవీలు
పెంపుల పై పునరాలోచన చేయాలని ప్రజలు, రియల్ ఎస్టేట్ వర్గాల విజ్ఞప్తి
తాండూర్లో పెరిగిన భూముల రిజిస్ట్రేషన్ రేట్లపై తీవ్ర అసంతృప్తి
రాష్ట్ర ప్రభుత్వం ఇటీవల భూముల మార్కెట్ విలువలను, రిజిస్ట్రేషన్ చార్జీలను పెంచిన నేపథ్యంలో వికారాబాద్ జిల్లా తాండూర్ నియోజకవర్గంలోని సబ్ రిజిస్ట్రార్ కార్యాలయం పరిధిలో ప్రజల్లో తీవ్ర అసంతృప్తి వ్యక్తమవుతోంది. కొత్తగా అమల్లోకి వచ్చిన రేట్ల ప్రకారం అనేక ప్రాంతాల్లో భూముల విలువలు భారీగా పెరగడంతో పాటు, రిజిస్ట్రేషన్ ఫీజులు కూడా సాధారణ ప్రజలకు భారం అవుతున్నాయని ఆరోపణలు వినిపిస్తున్నాయి.
స్థానికుల కథనం ప్రకారం, కొన్ని ప్రాంతాల్లో మార్కెట్ విలువల నిర్ణయంలో ఏకరీతి పాటించకుండా ఇష్టారాజ్యంగా రేట్లు నిర్ణయించారనే విమర్శలు వ్యక్తమవుతున్నాయి. ఒకవైపు భూమి చదరపు గజం ధర సుమారు రూ.10 వేలుగా ఉండగా, దానికి సంబంధించిన రిజిస్ట్రేషన్ చార్జీలు సుమారు రూ.18,500 వరకు చేరుకోవడం ప్రజలను ఆశ్చర్యానికి గురిచేస్తోంది.
రిజిస్ట్రేషన్ వ్యయాలు భారీగా పెరగడంతో భూముల కొనుగోలు, విక్రయాలపై ప్రభావం పడిందని డాక్యుమెంట్ రైటర్లు చెబుతున్నారు. గతంలో రోజూ రద్దీగా కనిపించే వారి కార్యాలయాలు ప్రస్తుతం వెలవెలబోతున్నాయని, లావాదేవీలు గణనీయంగా తగ్గిపోయాయని ఆవేదన వ్యక్తం చేస్తున్నారు.
ఇదిలా ఉండగా, గతంలో అవినీతి నిరోధక శాఖ (ఏసీబీ) కేసులో పట్టుబడిన వ్యక్తికి కార్యాలయ వ్యవహారాల్లో కీలక బాధ్యతలు అప్పగించారనే ఆరోపణలు కూడా స్థానికంగా చర్చనీయాంశమయ్యాయి. ముఖ్యంగా సెలవు దినాల్లో లేదా ప్రజా రద్దీ తక్కువగా ఉండే సమయాల్లో ఏ ప్రాంతాల్లో మార్కెట్ విలువలు పెంచాలనే ప్రతిపాదనల రూపకల్పనలో ఆయన పాత్ర ఉందంటూ పలు వర్గాలు ఆరోపిస్తున్నాయి. అయితే ఈ ఆరోపణలపై సంబంధిత అధికారులు అధికారికంగా స్పందించాల్సి ఉంది.
పెరిగిన రిజిస్ట్రేషన్ చార్జీల కారణంగా మధ్యతరగతి, సామాన్య ప్రజలు తీవ్ర ఇబ్బందులు ఎదుర్కొంటున్నారని స్థానికులు చెబుతున్నారు. భూముల కొనుగోలు ప్రక్రియ మరింత భారంగా మారిందని, రియల్ ఎస్టేట్ రంగం కూడా మందగించిందని పేర్కొంటున్నారు.
ఈ నేపథ్యంలో ప్రభుత్వం, ఉన్నతాధికారులు ప్రస్తుత పరిస్థితులను సమీక్షించి, మార్కెట్ విలువలు మరియు రిజిస్ట్రేషన్ చార్జీల పెంపుపై పునరాలోచన చేయాలని ప్రజలు, డాక్యుమెంట్ రైటర్లు, రియల్ ఎస్టేట్ వర్గాలు విజ్ఞప్తి చేస్తున్నారు.
ప్రజల నుంచి వస్తున్న అభ్యంతరాలు, ఆరోపణలపై సంబంధిత అధికారులు ఎలా స్పందిస్తారు? పెరిగిన రిజిస్ట్రేషన్ భారం నుంచి సామాన్యులకు ఉపశమనం లభిస్తుందా? అనేది వేచి చూడాల్సి ఉంది.
తాండూర్ సబ్ రిజిస్ట్రార్ కార్యాలయంలో కొత్త భూముల రేట్ల పై గగ్గోలు
తాండూర్ సబ్ రిజిస్ట్రార్ కార్యాలయంలో కొత్త భూముల రేట్ల పై గగ్గోలు
ఇష్టారాజ్యంగా మార్కెట్ విలువలు పెంచారంటూ ప్రజల ఆవేదన
రిజిస్ట్రేషన్ ఫీజులు భూమి ధరలను మించిపోతున్నాయంటూ విమర్శలు
డాక్యుమెంట్ రైటర్ల వద్ద తగ్గిన లావాదేవీలు
పెంపుల పై పునరాలోచన చేయాలని ప్రజలు, రియల్ ఎస్టేట్ వర్గాల విజ్ఞప్తి
తాండూర్లో పెరిగిన భూముల రిజిస్ట్రేషన్ రేట్లపై తీవ్ర అసంతృప్తి
రాష్ట్ర ప్రభుత్వం ఇటీవల భూముల మార్కెట్ విలువలను, రిజిస్ట్రేషన్ చార్జీలను పెంచిన నేపథ్యంలో వికారాబాద్ జిల్లా తాండూర్ నియోజకవర్గంలోని సబ్ రిజిస్ట్రార్ కార్యాలయం పరిధిలో ప్రజల్లో తీవ్ర అసంతృప్తి వ్యక్తమవుతోంది. కొత్తగా అమల్లోకి వచ్చిన రేట్ల ప్రకారం అనేక ప్రాంతాల్లో భూముల విలువలు భారీగా పెరగడంతో పాటు, రిజిస్ట్రేషన్ ఫీజులు కూడా సాధారణ ప్రజలకు భారం అవుతున్నాయని ఆరోపణలు వినిపిస్తున్నాయి.
స్థానికుల కథనం ప్రకారం, కొన్ని ప్రాంతాల్లో మార్కెట్ విలువల నిర్ణయంలో ఏకరీతి పాటించకుండా ఇష్టారాజ్యంగా రేట్లు నిర్ణయించారనే విమర్శలు వ్యక్తమవుతున్నాయి. ఒకవైపు భూమి చదరపు గజం ధర సుమారు రూ.10 వేలుగా ఉండగా, దానికి సంబంధించిన రిజిస్ట్రేషన్ చార్జీలు సుమారు రూ.18,500 వరకు చేరుకోవడం ప్రజలను ఆశ్చర్యానికి గురిచేస్తోంది.
రిజిస్ట్రేషన్ వ్యయాలు భారీగా పెరగడంతో భూముల కొనుగోలు, విక్రయాలపై ప్రభావం పడిందని డాక్యుమెంట్ రైటర్లు చెబుతున్నారు. గతంలో రోజూ రద్దీగా కనిపించే వారి కార్యాలయాలు ప్రస్తుతం వెలవెలబోతున్నాయని, లావాదేవీలు గణనీయంగా తగ్గిపోయాయని ఆవేదన వ్యక్తం చేస్తున్నారు.
ఇదిలా ఉండగా, గతంలో అవినీతి నిరోధక శాఖ (ఏసీబీ) కేసులో పట్టుబడిన వ్యక్తికి కార్యాలయ వ్యవహారాల్లో కీలక బాధ్యతలు అప్పగించారనే ఆరోపణలు కూడా స్థానికంగా చర్చనీయాంశమయ్యాయి. ముఖ్యంగా సెలవు దినాల్లో లేదా ప్రజా రద్దీ తక్కువగా ఉండే సమయాల్లో ఏ ప్రాంతాల్లో మార్కెట్ విలువలు పెంచాలనే ప్రతిపాదనల రూపకల్పనలో ఆయన పాత్ర ఉందంటూ పలు వర్గాలు ఆరోపిస్తున్నాయి. అయితే ఈ ఆరోపణలపై సంబంధిత అధికారులు అధికారికంగా స్పందించాల్సి ఉంది.
పెరిగిన రిజిస్ట్రేషన్ చార్జీల కారణంగా మధ్యతరగతి, సామాన్య ప్రజలు తీవ్ర ఇబ్బందులు ఎదుర్కొంటున్నారని స్థానికులు చెబుతున్నారు. భూముల కొనుగోలు ప్రక్రియ మరింత భారంగా మారిందని, రియల్ ఎస్టేట్ రంగం కూడా మందగించిందని పేర్కొంటున్నారు.
ఈ నేపథ్యంలో ప్రభుత్వం, ఉన్నతాధికారులు ప్రస్తుత పరిస్థితులను సమీక్షించి, మార్కెట్ విలువలు మరియు రిజిస్ట్రేషన్ చార్జీల పెంపుపై పునరాలోచన చేయాలని ప్రజలు, డాక్యుమెంట్ రైటర్లు, రియల్ ఎస్టేట్ వర్గాలు విజ్ఞప్తి చేస్తున్నారు.
ప్రజల నుంచి వస్తున్న అభ్యంతరాలు, ఆరోపణలపై సంబంధిత అధికారులు ఎలా స్పందిస్తారు? పెరిగిన రిజిస్ట్రేషన్ భారం నుంచి సామాన్యులకు ఉపశమనం లభిస్తుందా? అనేది వేచి చూడాల్సి ఉంది.
