ప్లాస్టిక్ రహిత గ్రామంగా గంగాసాగర్ గ్రామసభ ఆమోదం
మట్టి పాత్రల్లో వంటలు.. వనభోజనాలతో పర్యావరణ పరిరక్షణకు సందేశం
కలెక్టర్ ఆదేశాలతో గంగాసాగర్లో వినూత్న కార్యక్రమాలు
ప్లాస్టిక్కు చెక్.. ప్రకృతికి మద్దతుగా గ్రామస్థుల సంకల్పం ప్రతిజ్ఞ
వికారాబాద్ జిల్లా కలెక్టర్ ఆదేశాల మేరకు యాలాల మండలంలోని గంగాసాగర్ గ్రామాన్ని ప్లాస్టిక్ రహిత గ్రామంగా తీర్చిదిద్దేందుకు గ్రామసభలో ఏకగ్రీవంగా తీర్మానం చేశారు. పర్యావరణ పరిరక్షణతో పాటు భవిష్యత్ తరాలకు ఆరోగ్యకరమైన జీవన విధానాన్ని అందించాలనే లక్ష్యంతో గ్రామస్థులు ఈ నిర్ణయానికి మద్దతు తెలిపారు.ఈ సందర్భంగా సోమవారం గ్రామంలో ప్రత్యేక కార్యక్రమాలు నిర్వహించారు. సంప్రదాయ జీవన విధానానికి ప్రాధాన్యతనిస్తూ మట్టి పాత్రల్లో వంటలు చేసే కార్యక్రమాన్ని చేపట్టారు. అనంతరం గ్రామస్థులు కలిసి వనభోజనాలు నిర్వహించి ప్రకృతి సంరక్షణ, ప్లాస్టిక్ వినియోగ నియంత్రణపై అవగాహన కల్పించారు.
గ్రామంలో ప్లాస్టిక్ వినియోగాన్ని పూర్తిగా నిషేధించి, ప్రత్యామ్నాయంగా పర్యావరణ హిత వస్తువులను వినియోగించాలని గ్రామ పెద్దలు, అధికారులు ప్రజలకు సూచించారు. ఈ కార్యక్రమం గ్రామస్థుల్లో పర్యావరణ పరిరక్షణ పట్ల చైతన్యం కల్పించడంతో పాటు ఇతర గ్రామాలకు ఆదర్శంగా నిలిచింది.
ప్లాస్టిక్ రహిత గ్రామం దిశగా గంగాసాగర్ మరో అడుగు వేసింది. మట్టి పాత్రల్లో వంటలు, వనభోజనాలతో గ్రామస్థులు పర్యావరణ పరిరక్షణకు తమ కట్టుబాటును చాటిచెప్పారు.”
ఈ కార్యక్రమంలో గ్రామ సర్పంచ్ మల్లేశం, ఉప సర్పంచ్ మంజుల, మండల ఎంపీడీఓ శ్రీనిజ, మండల విద్యాధికారి మహిపాల్ రెడ్డి, వార్డు సభ్యులు, గ్రామస్థులు, మహిళలు, చిన్నారులు తదితరులు పాల్గొన్నారు.
మట్టి పాత్రల్లో వంటలు.. వనభోజనాలతో పర్యావరణ పరిరక్షణకు సందేశం
ప్లాస్టిక్ రహిత గ్రామంగా గంగాసాగర్ గ్రామసభ ఆమోదం
మట్టి పాత్రల్లో వంటలు.. వనభోజనాలతో పర్యావరణ పరిరక్షణకు సందేశం
కలెక్టర్ ఆదేశాలతో గంగాసాగర్లో వినూత్న కార్యక్రమాలు
ప్లాస్టిక్కు చెక్.. ప్రకృతికి మద్దతుగా గ్రామస్థుల సంకల్పం ప్రతిజ్ఞ
వికారాబాద్ జిల్లా కలెక్టర్ ఆదేశాల మేరకు యాలాల మండలంలోని గంగాసాగర్ గ్రామాన్ని ప్లాస్టిక్ రహిత గ్రామంగా తీర్చిదిద్దేందుకు గ్రామసభలో ఏకగ్రీవంగా తీర్మానం చేశారు. పర్యావరణ పరిరక్షణతో పాటు భవిష్యత్ తరాలకు ఆరోగ్యకరమైన జీవన విధానాన్ని అందించాలనే లక్ష్యంతో గ్రామస్థులు ఈ నిర్ణయానికి మద్దతు తెలిపారు.ఈ సందర్భంగా సోమవారం గ్రామంలో ప్రత్యేక కార్యక్రమాలు నిర్వహించారు. సంప్రదాయ జీవన విధానానికి ప్రాధాన్యతనిస్తూ మట్టి పాత్రల్లో వంటలు చేసే కార్యక్రమాన్ని చేపట్టారు. అనంతరం గ్రామస్థులు కలిసి వనభోజనాలు నిర్వహించి ప్రకృతి సంరక్షణ, ప్లాస్టిక్ వినియోగ నియంత్రణపై అవగాహన కల్పించారు.
గ్రామంలో ప్లాస్టిక్ వినియోగాన్ని పూర్తిగా నిషేధించి, ప్రత్యామ్నాయంగా పర్యావరణ హిత వస్తువులను వినియోగించాలని గ్రామ పెద్దలు, అధికారులు ప్రజలకు సూచించారు. ఈ కార్యక్రమం గ్రామస్థుల్లో పర్యావరణ పరిరక్షణ పట్ల చైతన్యం కల్పించడంతో పాటు ఇతర గ్రామాలకు ఆదర్శంగా నిలిచింది.
ప్లాస్టిక్ రహిత గ్రామం దిశగా గంగాసాగర్ మరో అడుగు వేసింది. మట్టి పాత్రల్లో వంటలు, వనభోజనాలతో గ్రామస్థులు పర్యావరణ పరిరక్షణకు తమ కట్టుబాటును చాటిచెప్పారు."
ఈ కార్యక్రమంలో గ్రామ సర్పంచ్ మల్లేశం, ఉప సర్పంచ్ మంజుల, మండల ఎంపీడీఓ శ్రీనిజ, మండల విద్యాధికారి మహిపాల్ రెడ్డి, వార్డు సభ్యులు, గ్రామస్థులు, మహిళలు, చిన్నారులు తదితరులు పాల్గొన్నారు.
